أنت هنا: الرئيسية / اساسيات الفوتوشوب / مستوي اول مدينة الفوتوشوب _ الدرس الخامس

مستوي اول مدينة الفوتوشوب _ الدرس الخامس

السلام عليكم ورحمة الله وبركاته

امبارح انتهينا من التعريف بـ عناصر واجهة البرنامج
واتكلمنا علي قائمة File والاوامر الي فيها
انهرده هنتكلم عن قائمة Edit
بسم الله نبدأ

قائمة Edit موضوعها مش هياخد وقت و مش هيكون صعب ان شاء الله

القائمة زي ما في الصورة بالإسفل 

اهم الاوامر الى بنستخدمها في قائمة Edit

الامر رقم 1 :
Undo تراجع
اختصاره Ctrl + Z
وبنستخدمه عشان لو هنرجع خطوة لـ ورا ولو كررناه هيطلعلنا خطوة لـ قدام الامر دا بيمشي خطوة واحده بس

الامر رقم 2 :
Step Forward خطوة للأمام
اختصاره Ctrl + Shift + Z
وبنستخدمه عشان نطلع خطوة لـ قدام بس لازم نكون قبلها استخدمنا الامر القادم وهو

الامر رقم 3 :
Step Before خطوة للخلف
اختصاره Alt + Ctrl + Z
وبنستخدمه عشان نرجع اكثر من خطوة لـ الخلف

الامر رقم 4:
Cut قص
اختصاره Ctrl + X
بنستخدمه عشان لو عايزين نقص جزء من الصورة سبق وتم تحديده بإتسخدام ادوات التحديد

الامر رقم 5 :
Copy نسخه
اختصاره Ctrl + C
بنستخدمه عشان ننسخ جزء من الصورة سبق وتم تحديده بإستخدام ادوات التحديد

الامر رقم 6 :
Paste لصق
اختصاره Ctrl + V
بنستخدمه عشان نلصق جزء احنا سبق ونسخناه او قصيناه

الامر رقم 7 :
Fill ملأ
اختصاره Shift + F5
بنستخدمه عشان نملأ الصورة بـ لون محدد او خامة محدده من داخله

الامر رقم 8 :
Stroke إطار
بنستخدمه عشان نعمل اطار لـ لاير محدد

الامر رقم 9 :
Free Transform تحويل حر
اختصاره Ctrl + T
بمجرد اختيار الامر او كتابة الاختصار يتم تحديد اللير المحدد بإطار قابل للتحرك وللتقلب بزوايا مختلةف

الامر رقم 10 :
Transorm
يحتوي هذا الامر علي عدة اوامر اخري مثل قلب اللير المحدد بـ زاوية 90 درجه او 1800 كما يحتوي علي اوامر اخري منها قلب اللير بزاوية رأيه او افقيه

الامر رقم 11 :
Define Brush Preset تعيين فرشاه
ودا بنستخدمه لما نكون عاملين رسمه علي خلفية شفافه او كاتب اسمك وعايز تعمله ختم مثلا بعد ما بتنتهي من الرسم بتدخل علي دي و بتضيف الى انت رسمته دا كـ فرشاه

الامر رقم 12 :
Define Pattern تعيين حشو
نفس فكرة الفرشاة لكن الباترن بمجرد اضافته يتكرر اكثر من مره خصوصا لو كان حجم الباترن صغير و مساحة الصورة كبيرة

الامر رقم 13
Define Custom Shape تعيين شكل
تقريبا نفس الفكرة لكنه يضاف في مكان اخر وهو الاشكال

الامر رقم 14
Preference تفضيلات
ودي فيها حاجتين مهمين الى هنتكلم عنهم

المستطيل الى انا كاتب عليه رقم 1
الى احنا عايزينه منه History Status
ودي مهمه جدا وهي عدد مرات التراجع
يعني لو انت شغال علي تصميم مثلا و غلطت غلطه ومخدتش بالك غير لما انتهيت من التصميم
فبدل ما ترجع لأول التصميم خالص ممكن تفضل ترجع واحده واحده لحد لما توصل للحته الغلط وبعدين تكمل تاني
حد عدد المرات الى يناسبك هو البرنامج حاطط 50 انت ممكن تحط 1000 او اي رقم عادي

المستطيل الى انا كاتب عليه رقم 2
ودي حاجة بردو مهمه
في ناس حجم الهارد ديسك بتاعها صغير
بعد ما يخلصو شغل علي صورة وعايزين يحفظوها بيجيلهم رسالة خطأ
الحل في الموضوع دا انك تدخل علي Scratch Disk وتحدد جميع البارتشنات زي ما انا عامل كدا
ممكن يكون عندك اكثر من 22 ودا عادي

كدا انتهي الشرح وتابعونا في الشروحات الجايه ان شاء الله اكون قدرت اوصلكم المعلومه بسهوله

تقبلو تحياتي وانتظرو الدرس القادم

عن Moderator

اضف رد

إلى الأعلى