أنت هنا: الرئيسية / اساسيات الفوتوشوب / مستوي اول مدينة الفوتوشوب _ الدرس الثاني

مستوي اول مدينة الفوتوشوب _ الدرس الثاني

السلام عليكم ورحمة الله وبركاته

الناس الى تابعتنا في الدرس الاول الى اتكلمنا فيه عن عناصر واجهة البرنامج

واتفقنا في نهاية الشرح اننا هنتكلم عن قائمة File والاوامر الى فيها

تعالو الاول نشوف شكل قائمة File

زيها زي اي برنامج نفس الادوات غالبا بس خلينا نتكلم عن اهم الادوات

الامر رقم 1 : NEW
اختصارها Ctrl + N
بنستخدمها لما نيجي نبدأ عمل جديد ( البوست الجاي هتكلم عنها ان شاء الله وعن محتوياتها )

الامر رقم 2 : Open
اختصارها Ctrl + O
بنستخدمها لما نيجي نفتح صورة او ملف فوتوشوب علي برنامج الفوتوشوب

الامر رقم 3 : Browse In Bridge
اختصارها Alt + Ctrl + O
بنستخدمها لإستعراض الصور

الامر رقم 4 : Open Recent
ودي عشان نستعرض الملفات الى كنا فاتحينها لو حابين نفتح ملف كنا شغالين عليه و محفوظ علي الكمبيوتر

الامر رقم 5 : Close
اختصارها Ctrl + W
تستخدم لغلق الملف المفتوح فقط

الامر رقم 6 : Close All
اختصارها Alt + Ctrl + W
تستخدم لغلق جميع الملفات المفتوحه

الامر رقم 7 : Save ( هنتكلم عنها بردو بعد ما نتكلم عن New )
اختصارها Ctrl + S
بنستخدمها لحفظ الصورة في حالة اننا عندنا ملف فوتوشوب و عدلنا عليه مثلا و بنحفظه
لكن لو فاتحين صورة عاديه اول مره نفتحها ع الفوتوشوب و ضغطنا Ctrl + SS هيحولك اوتوماتيك لـ Save As

الامر رقم 8 : Save As
اختصارها Shift + Ctrl + S
بنستخدمها لحفظ صورة لأول مره

الامر رقم 9 : Export
دي هناخد منها امر واحد بس وهو Save for Web
اختصارها Alt + Ctrl + Shift + S
ودي بنستخدمها غالبا في حالة اننا بنحفظ صور عشان نرفعها علي المواقع عشان تحتفظ بجودتها زي الفيس بوك مثلا بنحفظها بصيغة PNG

الامر رقم 10 : Share On Behance
دي في حالة انك عندك حساب بيهانسي وبتشارك تصميماتك عليها

الامر رقم 11 : File Info
اختصارها Alt + Shift + Ctrl + I
دي بنستخدمها لما بنكون هنرفع ملف PSDD مثلا وعايزين نحطله حقوق ملكية عشان الناس الى هتحمله تظهرلها حقوق الملكية من نفس المكان بردو

الامر رقم 12 : Print
اختصارها Ctrl + P
دي في حالة اننا هنعمل طباعه

الامر الاخير : Exit
اختصارها Ctrl + Q
دي للخروج من البرنامج

كدا متبقي في قائمة File
شرح بدأ عمل جديد و شرح الحفظ

تابعونا في الشرح القادم هنتكلم عن بدأ عمل جديد

عن Moderator

اضف رد

إلى الأعلى