أنت هنا: الرئيسية / اساسيات الفوتوشوب / مستوي اول مدينة الفوتوشوب _ الدرس الثامن

مستوي اول مدينة الفوتوشوب _ الدرس الثامن

السلام عليكم ورحمة الله وبركاته

نقدم لكم الدرس الثامن انهرده هنتكلم عن الاكشن و الفلترات

شرح الاكشن و الفلتر في الفوتوشوب

الاول هنتكلم مقدمة سريعه

الاكشن

الاكشن عبارة عن خطوات بيقوم المصمم بيها لكن بيتم تسجيلها وحفظها على البرنامج وبتسمحله باعادة عملها مرة تانية بنفس الترتيب
والناتج بيكون Action
يعنى مثلاً مصمم مطلوب منه يضيف تأثير معين على اكتر من صورة و كلهم نفس الخطوات فبدل ما يعمل التأثير بالخطوات كل مرة على كل صورة لوحدها هيسجل الخطوات فى اول مرة ويحفظها فى اكشن ويفتح صورة صورة يشغل الاكشن عليها والبرنامج يقوم بالباقى 😀

الخطوة دي اى حاجة بتعملها على البرنامج يعنى لو فتحت لاير جديد بتتسجل خطوة لو فتحت الاضاءة خطوة وهكذا

وطبعاً النتيجة مش دايماً بتكون المطلوب لكن ميزة الاكشن ان كل الخطوات واللايرات اللى اتضافت وما الى ذلك بتبقى موجودة فى ملف التصميم فطبعاً تقدر تعدل عليهم فى اى وقت.

الفلترات

الفلتر ده بيكون اضافة للبرنامج Plug-in يعنى ممكن يبقى برنامج من تطوير شركة مستقلة تماماً عن Adobe وبرامجها والبرنامج ده ليه واجهته وادواته الخاصة وبيطبق تأثير جاهز على الصور بشكل نهائى سواء قابل للتعديل لاحقاً ام لا.

ومش كل الفلاتر للتأثيرات… لأ فيه كمان منهم عبارة عن ادوات بتضيفها للبرنامج بتساعدك فى شغلك وبتسهل عليك اعمال معينة.

دلوقتي نوصل للجزء العملي و الشرح الفيديو

مشاهدة الفيديو

عن Moderator

اضف رد

إلى الأعلى